Guía Manuel Gago, divulgador, profesor universitario, director de Cultura Galega
Data: 14 Xuño de 2025
Punto de encontro Aldea Mosquete, 15937, A Coruña – Ver en Google Maps
Hora 9:30h
Lonxitude 10 km
Duración 4,5 horas aprox.
Dificultade ALTA Non se trata dun paseo. Nada recomendado para as persoas non afeitas a andar polo monte xa que hai fortes pendentes de subida e baixada.
No caso de choiva e/ou condicións de difícil acceso á serra do Barbanza, realizarase un roteiro urbano pola Pobra do Caramiñal, percorrendo o núcleo histórico das dúas vilas orixinarias e os seus elementos patrimoniais máis destacados.
Prazas dispoñibles 0
Este roteiro prantexa un itinerario pouco habitual no Barbanza, adentrándose no que era coñecido polos aldeáns de Montaña e Montañó como as Terras da Loba Branca, o mítico berce dos celtas praestamaricos, nunha zona aillada das pistas e dos eólicos. Mámoas, fortificacións, camiños, pequenas aldeas, petróglifos, antigas minas percorrense neste roteiro. As antigas minas do Ouro dos Mouros, a fortificación inédita do Outeiro Murado, o petróglifo do Outeiro dos Corvos, a Arca do Barbanza, o Outeiro Redondo ou o Castelo de Vitres e a súa calzada son algúns dos puntos deste itinerario.
Se queres, este ano podes participar no patrocinio dun proxecto arqueóloxico en Galicia facendo unha achega de 5€ AQUI
Elixa unha das seguintes opcións de inscrición.
Sen xantar ou con xantar incluído. Prazo máximo pra reservar con xantar ata o martes da semana na que se realiza o roteiro. Non nos responsabilizamos da dispoñibilidade de prazas para xantar para as persoas que só se apunten inicialmente ao roteiro pero logo decidan acudir ao xantar. Non se garante a devolución do importe do xantar unha vez pasado o prazo de anulación da reserva (martes da semana do roteiro). É obrigatorio presentar o ticket do código QR para acudir ao roteiro e ao xantar.
| Tipo de reserva | Prezo | Cant. | Carriño |
|---|---|---|---|
| Roteiro - O Barbanza | 5€ | As entradas están esgotadas. | |
| Roteiro + Xantar - O Barbanza | 36€ | As entradas están esgotadas. |
Non existe lista de espera nin reserva de prazas. As prazas dispoñibles por baixas previas daranse a coñecer no grupo de WhatsApp de Rutas de Historia, podes acceder libremente AQUI
