5€
Por persoa
Unha viaxe pola República independente do Couto Mixto, a que puido ser a Andorra de Galicia
6 Xuño
Cupo máx. 60
Data prevista: 6 de xuño
Dificultade: Baixa
Duración aproximada: 4.30 horas
Lonxitude: 8 Km
Hora de inicio: 10.00 horas
Guía: Ricardo Ignacio Valeiras Martinez , historiador e guía turístico no Couto Mixto, e Cesáreo González, da Asociación de Amigos do Couto Mixto
Lugar de encontro: Aparcamento de Santiago dos Mixtos (ao carón do cemiterio de Santiago dos Mixtos) Ver en Google Maps
Prazas dispoñibles: 4
Este roteiro debullará o corazón do que un día foi un país libre e independente de Galicia e Portugal. Camiñaremos polo coñecido como “Camiño Privilexiado”, unha ruta libre de control e impostos, que atravesa Rubiás dos Mixtos e Santiago dos Mixtos, aldeas con forte identidade histórica e con pasado de autogoberno e exención de impostos e continuará cara ao Castelo da Piconha, antiga fortificación fronteiriza con vistas amplas. Durante o percorrido apreciaranse paisaxes de raia seca, muros de pedra, monte baixo e carballeiras. Tamén pasarase por restos históricos ligados ao contrabando e á singular independencia deste territorio.
Tamén coñeceremos o Arcón das tres chaves, un cofre que está na sacristía da igrexa de Santiago de Rubiás, que custodiaba os documentos fundacionais e actas deste microestado independente entre os século XII e XIX. O Couto Mixto tivo privilexios únicos consentidos por Galicia e Portugal. Os seus habitantes podían elixir nacionalidade, non pagar impostos e dar asilo a fuxitivos. Esta situación rematou tras o Tratado de Lisboa de 1864, que integrou o territorio definitivamente, e de xeito dividido, entre os estados de España e Portugal.
Trátase dun roteiro sinxelo e moi evocador, ideal para combinar natureza, historia e cultura da fronteira galego-portuguesa.
XANTAR
Menú: dous primeiros ( ensaladiña e ameixas mariñeiras)
dous segundos a escoller: (pode ser vitela ou paleta asada) ou peixe (pescada).
Tes que escoller o segundo cando fagas o proceso de compra. É para que o restaurante teña unha previsión.
Viño, auga, postre, café e chupitos.
Total 20 euros (mái 1€ de xestión) = 21€
| Tipo de reserva | Prezo | Cant. | Carriño |
|---|---|---|---|
| Roteiro Couto Mixto | 5€ | ||
| Roteiro + Xantar Couto Mixto | 26€ |
-
Punto de encontroAparcamento de Santiago dos Mixtos
-
Hora de saída10:00h
-
Finalización14:30h
-
InclúeSeguro accidentes
5€
Por persoa
CONDICIÓNS
Para facer a inscrición é preciso facer un pago de 5€ por persoa para cada roteiro en concepto de seguro de accidentes e gastos de comisión e organización.
Non se devolverá o importe da insrición, por iso recomendamos que se faga con plena consciencia.
A organización non se compromete a devolver o importe do menú unha vez reservado, agás que consigamos asignar ese menú a outra persoa solicitante ou que se notifique antes do mércores previo ao roteiro. Nese caso devolveríase o importe do menú menos a comisión bancaria
Os participantes que non poidan acudir e teñan reservada entrada poden regalarlla/venderlla a outra persoa pola súa conta. Tan só sería necesario que esos novos inscritos avisaran deste feito no mesmo día do roteiro.
Rogamos que quen non poida acudir igualmente o notifique dende a páxina de contacto ou via WhatsApp, se non a organización resérvase o dereito de penalizar a inscrición dese usuario en seguintes roteiros.
Non existe lista de espera nin reserva de prazas. As prazas dispoñibles por baixas darase a coñecer no grupo de WhatsApp de Rutas de Historia, o acceso é libre AQUI
Para calquera outra cuestión poden escribirnos a:
info@rutasdehistoria.com
