FINALIZADO
Por persoa
Os misterios de Santa Mariña de Augas Santas; un mundo oculto dentro dunha cidade
21 Set
Data: 21 Setembro de 2024
Punto de encontro Aparcadorio amplo en Santa Mariña de Augas Santas Ver en Google Maps
Hora 10:30h
Lonxitude 2,7 km
Duración 3,5 horas aprox.
Dificultade baixa
Prazas dispoñibles 0
Guía Manuel Gallego Alves, Historiador e socio fundador de Xeitura: xestión Patrimonio Cultural S.Coop.
A historia da parroquia de Santa Mariña de Augas Santas nace dunha lenda, a de Santa Mariña, que aos seus 15 anos desafiou ao gobernador romano Olibrio ao rexeitalo como pretendente. Sentíndose agraviado, someteuna a todo tipo de torturas, das que a rapariga sempre saía indemne. Decidiu queimala nun forno, pero ela logrou escapar e finalmente foi decapitada no ano 138. A súa cabeza rebotou tres veces no chan e deses tres lugares manaron fontes con propiedades curativas. Onde se enterrou a cabeza de Mariña construíuse máis tarde un santuario: o de Santa Mariña de Augas Santas. Hoxe, toda a parroquia é un mundo oculto dentro dunha cidade esquecida no tempo.
Achegámonos a historia deste Conxunto Histórico Artístico a través da visita aos manancias de auga, o carballo e a Casa Rectoral do Bispo. Non podemos deixar de admirar a preciosa igrexa exemplo magnífico do Románico Rural Galego. Merece especial atención a súa tripla cabeceira, abondosa decoración nos seus canzorros e espectaculares rosetóns do momento gótico. No interior o Camarín da Santa invítanos a coñecer a súa historia, os rituais asociados e algunhas peculiaridades do templo como os únicos capiteis con historia agochados na tribuna ou a súa falsa galería ou triforio con tan só dous exemplos máis en Galicia. Trala visita a igrexa emprendemos o “Camiño dos Pendóns” igual que fai a procesión no día da Ascensión. Nunha preciosa zona de bosque autóctono galego polo que transcorre o Camiño de Santiago descubrimos os restos dunha cidade galaico-romana soterrada xunto co resto do conxunto asociado a lenda de Santa Mariña Mártir como o Forno da Santa, o Asento, as Pioucas, o Carballo, e a Peneda da Moura a través de pequenas paradas interpretativas que nos permiten observar a gran potencialidade temporal, a incalculable riqueza Patrimonial e as lendas e ritos asociados a ela que convirten a Santa Mariña de Augas Santas nun lugar único a nivel nacional.
RESERVAR
Elixa unha das seguintes opcións de inscrición.
Sen xantar ou con xantar incluído. Prazo máximo pra reservar con xantar ata o martes da semana na que se realiza o roteiro. Non nos responsabilizamos da dispoñibilidade de prazas para xantar para as persoas que só se apunten inicialmente ao roteiro pero logo decidan acudir ao xantar. Non se garante a devolución do importe do xantar unha vez pasado o prazo de reserva, pero esa persoa é libre de vender esa praza a outra persoa interesada.
Elixa unha das seguintes opcións de inscrición.
Sen xantar ou con xantar incluído. Prazo máximo pra reservar con xantar ata o martes da semana na que se realiza o roteiro. Non nos responsabilizamos da dispoñibilidade de prazas para xantar para as persoas que só se apunten inicialmente ao roteiro pero logo decidan acudir ao xantar. Non se garante a devolución do importe do xantar unha vez pasado o prazo de reserva, pero esa persoa é libre de vender esa praza a outra persoa interesada.
Non existe lista de espera nin reserva de prazas. As prazas dispoñibles por baixas previas daranse a coñecer no grupo de WhatsApp de Rutas de Historia, podes acceder libremente AQUI
FINALIZADO
Por persoa
CONDICIÓNS
Para facer a inscrición é preciso facer un pago de 5€ por persoa para cada roteiro en concepto de seguro de accidentes e gastos de comisión e organización.
Non se devolverá o importe da insrición, por iso recomendamos que se faga con plena consciencia.
A organización non se compromete a devolver o importe do menú unha vez reservado, agás que consigamos asignar ese menú a outra persoa solicitante ou que se notifique antes do mércores previo ao roteiro. Nese caso devolveríase o importe do menú menos a comisión bancaria
Os participantes que non poidan acudir e teñan reservada entrada poden regalarlla/venderlla a outra persoa pola súa conta. Tan só sería necesario que esos novos inscritos avisaran deste feito no mesmo día do roteiro.
Rogamos que quen non poida acudir igualmente o notifique dende a páxina de contacto ou via WhatsApp, se non a organización resérvase o dereito de penalizar a inscrición dese usuario en seguintes roteiros.
Non existe lista de espera nin reserva de prazas. As prazas dispoñibles por baixas darase a coñecer no grupo de WhatsApp de Rutas de Historia, o acceso é libre AQUI
Para calquera outra cuestión poden escribirnos a:
info@rutasdehistoria.com
