• Finalizado
    A Barcala, o país dos ríos e a guerra de tres parroquias por unha ponte

    FINALIZADO
    Polos dominios dos célticos praestamaricos: mámoas, petróglifos e castelos na Península do Barbanza

Mecenazgo proxecto arqueolóxico en Galicia

3 Abril 2025 • 0 Comentario
31 Outubro 2025 00:00 Galicia

Por unha doazón mínima de 5€, podes participar no futuro dun proxecto arqueoloxíco en Galicia!

Gustache a historia e o patrimonio? Agora podes formar parte activa da súa conservación! Cunha pequena doazón que ti elixas, non só axudas a protexer a arqueoloxía e o patrimonio galego, senón que ti poderás votar para elixir a que proxecto irá destinado o diñeiro. Entre todas as persoas doantes votaremos para decidir que escavación ou investigación recibirá o apoio económico.

E hai máis: os doantes poderán disfrutar dunha ruta exclusiva no xacemento ou ben patrimonial gañador, onde descubrirán os seus segredos en primeira persoa. Unha experiencia única para os amantes da historia!

Por que participar?
✅ Podes decidir o destino da túa achega a un proxecto gañador
✅ Axudas a preservar o legado e patrimonio de Galicia
✅ Disfrutarás dunha visita privilexiada

Non deixes que outros elixan por ti!
Doa, vota  e forma parte desta aventura arqueolóxica.

📅 Data límite para participar:  Outono 2025

Estes son os proxectos que podedes votar para que as vosas aportacións sirvan para axudar a unha destas comunidades locais a poñer en valor o noso patrimonio. Historia de Galicia escollerá o máis votado dos tres para aportar as doazóns.

Castro de San Lourenzo (Pobra do Brollón)

O Castro d’Alende ou de San Lourenzo é un xacemento arqueolóxico situado na parroquia de San Pedro de Cereixa (A Pobra do Brollón, Lugo) na marxe dereita do río Saa sobre a pequena lomba que serve de transición entre o Chá de Castro e o val do río. O Castro é un poboado fortificado construído tras a conquista romana para albergar aos traballadores das minas de ouro da comarca, entre os séculos I e II da nosa era. Probablemente tamén estivo ligado á metalurxia do ferro, polo que sería un poboado especializado dentro da
rede de fortes que controlaban a minería nas concas sedimentarias dos ríos Lor, Saa e Cabe.
En época medieval, a poboación agrícola de Cereixa construíu unha ermida en honra a San Lourenzo, que foi rehabilitada en 1876 e logo quedou en ruínas. Desde hai xa varios anos, este espazo está sendo excavado polo arqueólogo Xurxo Ayán grazas a un proxecto impulsado pola Asociación María Castaña.  De feito, a Pobra do Brollón volverá ser escenario, do 1 ao 12 de agosto de 2025, dun novo campo de voluntariado centrado na recuperación patrimonial do castro de San Lourenzo.

Castelo de Portomeiro (Val do Dubra)

A medidados do ano 2020 a Asociación Cultural Larada adquiriu a propiedade do Castelo de Portomeiro, situado na parroquia de Portomeiro, en Val do Dubra. O obxetivo da asociación non é outro que o de protexer o xacemento en primeiro lugar, e promover dentro das súasposibilidades estudos e intervencións arqueolóxicas así como divulgar e dar a coñecer este ben.
No mesmo ano de adquisición, 2020 fíxose unha primeira intervención arqueolóxica promovida pola USC, o grupo Síncrisis e Castelos no Aire. No 2021 volveron as mesmas entidades a promover outra escavación, e de novo con uns resultados extraordinarios atopando unhas das mostras de cerámica máis importantes de Galicia nesa época. No 2022 levaron a cabo unha terceira intervención, desta vez na parte sur do xacemento, escavando unha edificación de grandes dimensións que aínda hoxe se pode visitar.
A finais de xuño de 2025 a asociación está en trámites de pedir unha subvención de 6000 euros, pero eles teñen que correr co 20% restante. A A.C. Larada é unha asociación cultural bastante humilde e conta con moi poucos fondos. Autofinanciase con aportaciós extraordinarias de socios, venda de merchandising e doazóns.

Santo Estevo do Ermo (Barreiros)

Santo Estevo do Ermo é un lugar máxico da Mariña lucense, en Barreiros, onde natureza e historia van da man. Trátase dun antigo santuario medieval, envolto nunha fraga de fontes consideradas milagreiras, lendas populares e restos arqueolóxicos que están a piques de desaparecer se non os protexemos.
Mariña Patrimonio, xunto con ADEGA e a Irmandade de Santo Estevo, acaban de adquirir unha parcela clave para salvagardar este lugar, ateigada de eucaliptos invasores que van substituír por bosque autóctono. O seu soño é recuperar a súa memoria histórica e patrimonial. Por iso, queren escavar os restos da antiga igrexa e do cemiterio, localizar as cabanas dos eremitas e estudar as fontes que durante séculos foron destino de romeiros.
A intervención arqueolóxica que están a impulsar será fundamental para coñecer a historia real deste enclave e garantir a súa conservación para o futuro. Calquera apoio a este proxecto contribuirá a rescatar un lugar onde Galicia latexa dende hai séculos baixo o verde da súa fraga.


Publicado por

Historia de Galicia

Historiadegalicia é un portal sobre o mundo da Historia e do Patrimonio de Galicia. Non pretende ser unha publiciación científica, nin especialista sobre a Historia, senón un portal divulgativo de todo o que se fai en Galicia en materia histórica e patrimonial co obxectivo de achegar a historia á xente.

  • Rutas 2025

    5€
    O Preguntoiro: na procura de restos eremíticos na Ribeira Sacra - ANULADO

    5€
    'Virtudes (e misterios)', unha ollada ao Betanzos medieval e emigrante 

    5€
    Antía Cal, viaxe polo legado dunha revolucionaria da educación na Serra do Xistral

    5€
    Tomiño, buscando seres máxicos e fortificacións militares de guerras perdidas no tempo

    5€
    Mecenazgo proxecto arqueolóxico en Galicia

    5€
    A Serra do Barbanza, mámoas e castelos ocultos na pequena Escocia galega

    5€
    Cando Breogán chantou unha torre nos confíns de Brigantia

    5€
    O Courel, na procura das grandes minas do Imperio Romano






Roteiros vistos recentemente

FINALIZADO
Os misterios de Santa Mariña de Augas Santas; un mundo oculto dentro dunha cidade