Cando Breogán chantou unha torre nos confíns de Brigantia

Guía: Antonio Sandoval escritor, divulgador e ornitólogo
Punto de encontro Aparcadoiro Casa dos Peixes da Coruña
Data: 28 de xuño de 2025
Hora: 10.00 horas
Lonxitude 7 km
Duración Aproximadamente 4 horas, con paradas
Dificultade fácil

Este paseo discurrirá polo litoral máis emblemático do concello de A Coruña, prestando especial atención á súa biodiversidade, así como a varias lendas e capítulos da historia deste lugar, en concreto da contorna da Torre de Hércules. Será da man de Antonio Sandoval, escritor e naturalista, autor dun libro sobre esta zona: A Torre (Ed. Kalandraka).

O roteiro comezará na Casa dos Peixes, para asomarse á bahía do Orzán, e seguirá xunto á praia do Areal (tamén coñecida como praia das Lapas), próxima á antiga prisión provincial, para despois continuar polo pé da Torre, e visitar este faro, o máis antigo do mundo en funcionamento. Os campos ao norte da Torre, o pequeño cabo de Punta Herminia e a praia de Santo Amaro, lugares cheos de evocacións históricas, pecharán esta camiñata.

A contorna da Torre de Hércules foi declarada hai anos, a iniciativa do Concello de A Coruña, Espazo Natural de Interese Local. O océano que se estende ao seu redor foi declarado Zona de Especial Protección para as Aves (ZEPA – Directiva de Aves da UE) polo Goberno de España. Ao mesmo tempo, a costa alén da bocana da ría da Coruña (Oleiros) forma parte da Reserva de Biosfera Mariñas Coruñesas e Terras do Mandeo desde 2013. Ademáis, por suposto, a Torre de Hércules é patrimonio da Humanidade. Estes dous últimos recoñecementos (Reserva de Biosfera e Patrimonio da Humanidade) son selos da UNESCO.

Non existe lista de espera nin reserva de prazas. As prazas dispoñibles por baixas previas daranse a coñecer no grupo de WhatsApp de Rutas de Historia, podes acceder libremente AQUI

Publicado por

Historia de Galicia

Historiadegalicia é un portal sobre o mundo da Historia e do Patrimonio de Galicia. Non pretende ser unha publiciación científica, nin especialista sobre a Historia, senón un portal divulgativo de todo o que se fai en Galicia en materia histórica e patrimonial co obxectivo de achegar a historia á xente.