A Vilagarcía dos Ingleses

• Data: Sábado 2 de outubro 2021
• Dificultade: baixa
• Duración aproximada: 2 horas
• Lonxitude: 7 Km a pé
• Guía: Marcos Calveiro, autor de “O xardineiro dos ingleses”
• Grupo máximo: 35 persoas
• Punto de encontro: Cemiteiro dos Ingleses (ver no mapa)
• Hora de saída: 10:30h

Seguindo o fío da novela‭ “‬O Xardineiro dos Ingleses‭”‬,‭ ‬editorial Galaxia‭ ‬2017,‭ ‬Premio García Barros‭ ‬2017,‭ ‬Premio San Clemente‭ ‬2018,‭ ‬visitaranse lugares emblemáticos da vila arousá onde aínda fica a pegada da visita das escuadras da‭ ‬Royal Navy dende‭ ‬1874‭ ‬a‭ ‬1936.
Unha historia hoxe esquecida por moitos veciños e veciñas de Vilagarcía e que marcou para sempre,‭ ‬malia o progreso e a desaparición de moitos dos seus espazos,‭ ‬os costumes e o devir dos seus habitantes e os de toda a comarca.‭

Tamén se fai referencia a visitantes ilustres da vila como o poeta Federico García Lorca ou o pintor Joaquín Sorolla.‭

O roteiro visitaría o Cemiterio inglés de Rubiáns,‭ ‬o Hotel Moderno/Café Universal,‭ ‬o Salón García,‭ ‬o Peirao do Ramal,‭ ‬Praza da Peixería,‭ ‬Pazo de Vista Alegre e a mansión da Comboa.

Os menores poderán acudir, pero sempre baixo a total responsabilidade dun adulto, non estando cubertos polo seguro de accidentes.