5€
Por persoa
A embelesadora, paisaxes milenarias e castelos sumerxidos na Ribeira Sacra
10 Mai
Guía: Chisco Almuíña, primer guía sordocego de Galicia e autor de Cantigas de Cego
Data: 10 de maio de 2025
Hora: 10h
Distancia da ruta: 10,5 km
Tempo da ruta: 4 h
Itinerario da ruta: Circular
Comezo: Capela da Igrexa (Vilela (Taboada). Xunto a Casa Romualdo.
Dificultade: Media
Desnivel: Subida: 284 m
Prazas 0
RUTA A EMBELESADORA
De pouco máis de 10 quilómetros, a ruta Embelesadora transcorre polas taboadesas parroquias de San Miguel de Vilela e Santiago de Sobrecedo. Nelas conxúganse boa parte dos elementos da paisaxe natural e cultural que o sur de Lugo atesoura, constituíndo un auténtico monumento á harmoniosa interacción entre o medio e a comunidade que o habita, entre a humanidade e a natureza.
A Embelesadora está conformada como unha ruta sensorial na que sobre todo importa contemplar, cheirar, tocar, saborear e escoitar. O primeiro tramo desta senda leva ao encontro co río Miño. Faio transitando entre pequenas aldeas e lugares, leiras, hortas, soutos e robledas, algunhas áreas de monte cubertas de piñeiro, toxo e xesta.
Xunto ao río convén pararse a contemplar e gozar da espectacular paisaxe que conforman ceo, auga e terra. Terra na que ao longo de séculos os saberes, a creatividade e as mans da xente foron quen de compor con “muras”, viñas e adegas de tan espléndido tapiz.
Ademais de admirar as viñas que se estenden polas dúas ribeiras, e se o nivel da auga no encoro permíteo, pódese contemplar Castro Candaz, un enclave de lenda que hoxe en día permanece mergullado longas tempadas baixo as profundas augas do encoro, emerxendo só en contadas ocasións.
No camiño de volta, a ruta vai deixando atrás os viñedos e, tras atravesar os lugares de Sobrecedo de Abaixo e de Arriba, descende entre prados e leiras para chegar a Rioseco e de alí a Vilar, lugar de inicio e remate da Embelesadora.
DOAZÓN A PROXECTO ARQUEOLÓXICO
Se queres, este ano podes participar no patrocinio dun proxecto arqueóloxico en Galicia facendo unha achega de 5€ AQUI
Se queres, este ano podes participar no patrocinio dun proxecto arqueóloxico en Galicia facendo unha achega de 5€ AQUI
RESERVAR / CANCELACIÓNS / CAMBIOS
Elixa unha das seguintes opcións de inscrición.
Sen xantar ou con xantar incluído. Prazo máximo pra reservar con xantar ata o martes da semana na que se realiza o roteiro. Non nos responsabilizamos da dispoñibilidade de prazas para xantar para as persoas que só se apunten inicialmente ao roteiro pero logo decidan acudir ao xantar. Non se garante a devolución do importe do xantar unha vez pasado o prazo de anulación da reserva (martes da semana do roteiro). É obrigatorio presentar o ticket do código QR para acudir ao roteiro e ao xantar.
Non existe lista de espera nin reserva de prazas. As prazas dispoñibles por baixas previas daranse a coñecer no grupo de WhatsApp de Rutas de Historia, podes acceder libremente AQUI
5€
Por persoa
CONDICIÓNS
Para facer a inscrición é preciso facer un pago de 5€ por persoa para cada roteiro en concepto de seguro de accidentes e gastos de comisión e organización.
Non se devolverá o importe da insrición, por iso recomendamos que se faga con plena consciencia.
A organización non se compromete a devolver o importe do menú unha vez reservado, agás que consigamos asignar ese menú a outra persoa solicitante ou que se notifique antes do mércores previo ao roteiro. Nese caso devolveríase o importe do menú menos a comisión bancaria
Os participantes que non poidan acudir e teñan reservada entrada poden regalarlla/venderlla a outra persoa pola súa conta. Tan só sería necesario que esos novos inscritos avisaran deste feito no mesmo día do roteiro.
Rogamos que quen non poida acudir igualmente o notifique dende a páxina de contacto ou via WhatsApp, se non a organización resérvase o dereito de penalizar a inscrición dese usuario en seguintes roteiros.
Non existe lista de espera nin reserva de prazas. As prazas dispoñibles por baixas darase a coñecer no grupo de WhatsApp de Rutas de Historia, o acceso é libre AQUI
Para calquera outra cuestión poden escribirnos a:
info@rutasdehistoria.com
