18 Outubro 2025 10:30 Lavadoiro das Cascas
Día: 18 de outubro
Punto de encontro: Lavadoiro das Cascas
Distancia: 2km (haberá moitas paradas urbanas)
Hora de saída: 10.30 horas
Duración: 3.30 horas
Dificultade: Baixa
Guía: Xesús Fraga, xornalista e escritor, premio Nacional de Narrativa
No libro ‘Virtudes (e misterios)’ Xesús Fraga narra a pegada da emigración en tres xeracións dunha familia betanceira, a súa propia. Neste roteiro coñeceremos algúns dos lugares ligados ao libro: o lavadoiro e as escolas construídas polos irmáns García Naveira, emigrantes de éxito na Arxentina, as tres igrexas principais de Betanzos (Santiago, Santa María e San Francisco), o casco histórico da vila e a historia detrás dalgúns dos seus monumentos e edificios, ao mesmo tempo que o propio Xesús Fraga dará algunhas das claves da importancia destas localizacións na historia da súa familia e do seu libro.
Do tema do xantar aínda estamos falando cos locais, polo tanto avisaremos unhas semanas antes de iniciar o primeiro roteiro.
