• Últimas prazas
    Sargadelos, o mundo máxico das formas, cores e animais míticos de Galicia

    Finalizado
    Estaca de Bares, onde a terra abraza o mar

5€
Por persoa

Antía Cal, viaxe polo legado dunha revolucionaria da educación na Serra do Xistral

27 Set
  • Día: 27 de setembro de 2025
  • Punto de encontro: As Aguias. Muras.
  • Distancia: 5km
  • Hora de saída: 10h
  • Duración: 4h
  • Dificultade: Baixa (pero non accesible para persoas con mobilidade reducida).
  • Guía: Carme Varela, escritora, divulgadora e activista do patrimonio
Cando a pedagoga Antía Cal estaba cos seus pais na Habana, nas noites quentes da súa tropical infancia, escoitábaos falar daquela aldea da que saíran pouco antes de ela nacer. Seu pai contáballe como eran aquí os muíños, os hórreos, os regueiros, o Eume e as súas fragas… Ás veces, mesmo escoitaba a seus pais falar entre eles nunha lingua secreta. A aquela nena todo lle parecía moi misterioso.
Un día os pais acordaron o regreso. Cando chegaron aquí Antía descubriu na aldea das Aguias que todo era igual que como contaba seu pai. Tamén descubriu que non había tal lingua secreta porque todos falaban nela.
Neste roteiro visitaremos o Mesón das Aguias, onde se rodou o documental A Palabra Xusta, unha casa parada no tempo onde estivo o Km 0 do mapa dialectolóxico de Aníbal Otero, onde se chorou a morte do último alcalde galeguista de Viveiro, onde os rairos de auga fixeron do monte terra labradío, onde Antía Cal moceou con Antón Beiras, onde pasaron tantas cousas. E botarémonos aos camiños para atopar unha das máis singulares aportacións dos emigrantes galegos da Habana, para cruzar pontes sobre o Eume, para visitar un burgo, un castelo, para descubrir mil cousas máis.
E por riba na sede do Legado Activo Beiras Cal poderemos gozar dunha exposición na que Seoane, Laxeiro, Díaz Pardo, Virxilio, María Antonia Dans, Mercedes Ruibal, os Quesada, Xosé Luís de Dios, Vidal Souto e tantos outros nos contarán a conexión Vigo-Muras…
Do tema do xantar aínda estamos falando cos locais, polo tanto avisaremos unhas semanas antes de iniciar o primeiro roteiro.
  • Punto de encontro
    As Aguias. Muras
  • Hora de saída
    10:00h
  • Finalización
    14:00h
  • Inclúe
    Seguro accidentes
  • Non inclúe
    Xantar
5€
Por persoa
Compartir este roteiro

  • CONDICIÓNS

    Para facer a inscrición é preciso facer un pago de 5€ por persoa para cada roteiro en concepto de seguro de accidentes e gastos de comisión e organización.

    Non se devolverá o importe da insrición, por iso recomendamos que se faga con plena consciencia.

    A organización non se compromete a devolver o importe do menú unha vez reservado, agás que consigamos asignar ese menú a outra persoa solicitante ou que se notifique antes do mércores previo ao roteiro. Nese caso devolveríase o importe do menú menos a comisión bancaria

    Os participantes que non poidan acudir e teñan reservada entrada poden regalarlla/venderlla a outra persoa pola súa conta. Tan só sería necesario que esos novos inscritos avisaran deste feito no mesmo día do roteiro.

    Rogamos que quen non poida acudir igualmente o notifique dende a páxina de contacto ou via WhatsApp, se non a organización resérvase o dereito de penalizar a inscrición dese usuario en seguintes roteiros.

    Non existe lista de espera nin reserva de prazas. As prazas dispoñibles por baixas darase a coñecer no grupo de WhatsApp de Rutas de Historia, o acceso é libre AQUI

    Para calquera outra cuestión poden escribirnos a:


    info@rutasdehistoria.com




Compartir

Antía Cal, viaxe polo legado dunha revolucionaria da educación na Serra do Xistral