Viaxe á cerna do tempo. Marabillas xeolóxicas na ignota Serra de Glaciares

• Data: 8 outubro 2022
  
• Dificultade: Media
• Duración aproximada: 5 h
• Lonxitude: 11,7 Km
• Guía: Miguel Losada, antropólogo e divulgador cultural
• Grupo máximo: 50 persoas
• Punto de encontro: Albergue Municipal do Concello de Vilariño de Conso a 650 msnm (A Favorita s/n 32557- Vilariño de Conso, Ourense)
  
• Hora de saída: 9:30h

A actividade consta de varios módulos prácticos, tales que:

• Un percorrido a pé de 5h en total. De 9:00 a.m ás 14:30 p.m.
• Para contextualizar mellor as paisaxes humanas e naturais, inclúe a visita a un Museo etnográfico: duración de 1h. de 17:00 a 18:00
• A proxección dun audiovisual de 20 minutos. De 18:05 a 18:30
• Un relatorio histórico e etnográfico ilustrado: 40minutos. De 18:40 a 19:20h.

A duración da actividade será de 7h repartidas en dous bloques. Intercálase o tempo do xantar, dunhas 2h adicionais, de 14:45 a 16:45.
O remate completo da actividade fíxase nas 19:30h.

Partindo das instalacións do Albergue Municipal do primeiro, as persoas participantes coñecerán o núcleo urbano do Concello. Nel pasarase revista ós segredos do seu Museo etnográfico antes de camiñar cara unha das xoias xeolóxicas mais senlleiras de todo o territorio galego, a Cenza. Esta palabra vernácula, sinónimo de fervenza, condiciona dramaticamente o perfil do río de tal xeito que este tira seu nome do monumental salto de auga e verdadeira reliquia do pasado glacial destas serras graníticas do oriente galego.

Baixo dos varias veces centenarios rebolos (Querqus pyrenaica L.) e castiñeiros (Castanea sativa M.) achegarémonos ós segredos da tradición oral local presidida pola tradición do Entroido e por un poderoso ciclo de relatos ancorados en fontes históricas e documentais, que fan deste territorio un inesperado epicentro e referente cultural.

A magnitude do desenvolvemento hidroeléctrico desta parte de Galicia pasa inda, en boa medida, desapercibido xa que boa parte del é subterráneo. Un espectacular territorio de estruturas telúricas invisibles que tentaremos narrar en razón das paisaxes visibles. Do pasado recente, de puxanza da economía rural da montaña ó presente da enerxía e soidades.

XANTAR  PREZO 12 €
Data límite reserva mércores 5 outubro 2022

Reservar aquí https://rutasdehistoria.com/product/xantar-vilarino-de-conso/

CANCELACIONS

Aceptaranse cancelacións ata unha semana antes da data do roteiro. A partir desa data xa non é posible cancelar nin solicitar a devolución da fianza.

Menores de idade Poden acudir baixo responsabilidade dun adulto.