Polos dominios da Loba Branca: mámoas, petróglifos e castelos na Serra do Barbanza

• Dificultade: Media (algúns tramos son abruptos e/ou con maleza)
• Duración: 4,5 horas
• Lonxitude: 10 km
• Guía: Manuel Gago, divulgador, profesor universitario, director de Cultura Galega
• Data: 23 setembro de 2017

A Serra do Barbanza é un auténtico espazo natural e cultural que se conservou de maneira privilexiada nunha zona de importante expansión demográfica e económica. Malia as desfeitas das últimas décadas, o Barbanza preserva aínda moito do seu patrimonio cultural e arqueolóxico.

Este roteiro prantexa un itinerario pouco habitual no Barbanza, adentrándose nos que eran coñecidos polos aldeáns de Montaña e Montañó como as Terras da Loba Branca, nunha zona aillada das pistas e dos eólicos. Mámoas, fortificacións, camiños, pequenas aldeas, petróglifos, antigas minas percorrense neste roteiro.

As antigas minas do Ouro dos Mouros, a fortificación inédita do Outeiro Murado, o petróglifo do Outeiro dos Corvos, a Arca do Barbanza, o Outeiro Redondo ou o Castelo de Vitres e a súa calzada son algúns dos puntos deste itinerario.

Punto de encontro