Os castros que lindan con Irlanda…mar por medio

• Data: Sábado 28 de setembro de 2019
• Hora saída: 10:00h en punto.
  
• Percorrido: 12 Km
• Duración: aprox. 3 horas
• Dificultade: Baixa
• Punto de encontro: Aparcadoiro de terra da praia das Catedrais
• Guía: Manuel Miranda da Asociación Mariña Patrimonio
• Grupo máximo: 54 persoas

NOTA . O prezo deste roteiro é de 4€ e inclúe a volta en autobús ata o punto de partida, polo que neste caso non se cobra fianza e como tal non haberá devolución xa que o importe cobrado é exclusivamente de gastos.

Das fincas que se atopan nos cantís, din as vellas escrituras que lindan ao norte con Inglaterra, mar por medio. A nosa ruta discorrerá precisamente por estas terras ribadenses, que lindan con Inglaterra. Este percorrrido permitiranos coñecer un importante patrimonio cultural e gozar asemade dun fermoso patrimonio natural.

Comezaremos a andaina no emblemático Castro das Grobas; a continuación, colleremos o Camiño Natural da Ruta do Cantábrico para percorrer os cantís da rasa cantábrica cara ao Castro de Fornelos, onde aproveitaremos para visitar a Maseira dos Mouros e continuaremos camiño cara a Rinlo. No percorrido veremos varios Ollos de Mar e, pasado Rinlo, visitaremos as súas cetáreas.

Finalmente, dirixirémonos ao Castro de Meirengos, seguiremos ata Os Castros e remataremos na praia de Esteiro, onde poderemos ver os restos dun forno romano.

Colaboran: Asociación Mariña Patrimonio

Punto de Encontro