As irmás Touza. As “xustas” galegas do holocausto

Neste roteiro,‭ ‬eguindo as pegadas das irmás Touza a partir da obra Memoria do Silencio,‭ ‬de Eva Mejuto,‭ ‬achegarémonos á vila de Ribadavia e tamén á fronteira do sur da provincia de Ourense con Portugal,‭ ‬tratando de coñecer polo miúdo o labor que as Irmás Touza:‭ ‬Lola, axudada polas súas irmás Xulia e Amparo, nos anos‭ ‬40‭ ‬do pasado século axudaron aos fuxidos do nazismo a atravesar a fronteira co país veciño na procura da liberdade.‭ Calcúlase que foron máis de‭ ‬500‭ ‬as persoas que puideron salvar a vida grazas a unha rede de apoio liderado,‭ ‬na parte final do camiño,‭ ‬polas tres mulleres.‭ ‬Esta xornada ten como finalidade recuperar a memoria a través da literatura,‭ ‬seguindo o fío narrativo de Memoria do Silencio‭ (‬Xerais,‭ ‬2019‭)‬,‭ ‬obra finalista do Premio Jules Verne.‭

Xornada da mañá: 3 horas: Ribadavia
Da estación de tren partimos andando cara ao barrio Xudeu, no que decorrerá o resto da visita da mañá, incluíndo visita ao Centro de Interpretación Xudía de Galicia e ao Castelo de Ribadavia.

Xornada da tarde: 3 horas: Ponte Barxas
Para a xornada da tarde desprazarémonos (posiblemente en autobús) despois de xantar,ata a Ponte Barxas para facer a senda do Río Troncoso (5 quilómetros) e rematar no antigo posto de aduanas entre Galicia e Portugal.

Menores de idade poden acudir baixo a responsabilidade dun adulto. Non están cubertos polo seguro de accidentes.