• Finalizado
    A Barcala, o país dos ríos e a guerra de tres parroquias por unha ponte

    FINALIZADO
    Polos dominios dos célticos praestamaricos: mámoas, petróglifos e castelos na Península do Barbanza

5€
Por persoa

Viaxe ao inicio dos tempos de Galicia: a unidade xeolóxica Malpica-Tui

20 xuño
  • Data prevista: 20 de xuño 2026
  • Dificultade: Baixa
  • Duración aproximada: 4 horas
  • Lonxitude: 5 Km
  • Hora de inicio: 10.00 horas
  • Guía: Juan Ramón Vidal Romaní, xeólogo , investigador e catedrático da UDC
  • Lugar de encontro: Praia de Balarés (Ponteceso, Coruña) Ver en Google Maps
  • Prazas dispoñibles: 0

Roteiro pola Unidade Malpica-Tui, unha das estruturas máis antigas na formación de Galicia. Ao longo do percorrido veremos formas creadas pola disolución do granito, a espectacular duna trepadora do Monte Branco —a máis alta de Europa—, a barra areosa e o tómbolo do Anllóns, e remataremos na praia de Balarés, destacada polas súas concentracións de minerais pesados.

O territorio galego que vemos hoxe é o resultado dunha longa e fascinante historia xeolóxica. A maior parte das rochas que forman Galicia non se orixinaron aquí, senón a miles de quilómetros de distancia, en zonas próximas ao que hoxe é África. Co paso de millóns de anos, estes fragmentos desprazáronse debido ao movemento das placas tectónicas ata chegar á súa posición actual.

Hai uns 380 millóns de anos, estes materiais chocaron e uníronse durante a formación de Panxea, un enorme supercontinente que agrupaba todas as terras emerxidas do planeta. Nese proceso de colisión, os materiais comprimíronse, dobráronse e “soldáronse”, dando lugar á base xeolóxica de Galicia.

Algúns dos principais restos desta historia poden verse en unidades como o Cabo Ortegal, o Complexo de Ordes ou o pregamento de Mondoñedo, que son exemplos de materiais traídos desde lonxe (alóctonos). Pola contra, outros como o Complexo de Malpica-Tui ou o Ollo de Sapo formáronse practicamente no lugar onde están hoxe.

O caso do Complexo de Malpica-Tui é especialmente interesante: chegou a afundirse ata uns 90 km de profundidade durante a colisión continental, antes de volver subir á superficie. Ao longo do tempo, esta zona sufriu varias fases de deformación e actividade magmática, que deron lugar á formación de granitos e ás estruturas que podemos observar na actualidade.

MENU PONTECESO
Arroz con chipiróns
Costela asada con patacas
Viño branco / tinto da casa
Postre
Café
Prezo 17€ + 1€ xestión = 18€

Tipo de reserva Prezo Carriño
Roteiro Ponteceso 5€ As entradas están esgotadas.
Roteiro + Xantar Ponteceso 23€ As entradas están esgotadas.

  • Inclúe
    Praia de Balarés (Ponteceso, Coruña)
5€
Por persoa
Compartir este roteiro

  • CONDICIÓNS

    Para facer a inscrición é preciso facer un pago de 5€ por persoa para cada roteiro en concepto de seguro de accidentes e gastos de comisión e organización.

    Non se devolverá o importe da insrición, por iso recomendamos que se faga con plena consciencia.

    A organización non se compromete a devolver o importe do menú unha vez reservado, agás que consigamos asignar ese menú a outra persoa solicitante ou que se notifique antes do mércores previo ao roteiro. Nese caso devolveríase o importe do menú menos a comisión bancaria

    Os participantes que non poidan acudir e teñan reservada entrada poden regalarlla/venderlla a outra persoa pola súa conta. Tan só sería necesario que esos novos inscritos avisaran deste feito no mesmo día do roteiro.

    Rogamos que quen non poida acudir igualmente o notifique dende a páxina de contacto ou via WhatsApp, se non a organización resérvase o dereito de penalizar a inscrición dese usuario en seguintes roteiros.

    Non existe lista de espera nin reserva de prazas. As prazas dispoñibles por baixas darase a coñecer no grupo de WhatsApp de Rutas de Historia, o acceso é libre AQUI

    Para calquera outra cuestión poden escribirnos a:


    info@rutasdehistoria.com




Compartir

Viaxe ao inicio dos tempos de Galicia: a unidade xeolóxica Malpica-Tui