Cando Galicia e Portugal deixaron de quererse. As guerras do século XVII

• Dificultade: Media
• Duración: 4 horas
• Lonxitude: 10 km
• Guía: Xurxo Salgado, profesor universitario e director de Historia de Galicia
• Data: 7 de outubro de 2017

Este roteiro xirará en torno ao sistema defensivo construído en Vilanova da Cerveira (Portugal) e en Goián (Tomiño), durante a guerra de independencia de Portugal entre 1640 e 1665. O conxunto componse de seis fortalezas na zona galega, todas elas situadas no concello de Tomiño: Fortaleza da nosa Señora da Concepción, Forte de San Lorenzo, Forte das Chagas, Torre dos Correa e Torre dos Ratos (os cinco no lugar de Goián) e o Castelo de Medos (no lugar de Estás); e tres na parte portuguesa: a Praça Forte de Vilanova de Cerveira (freguesia de Lovelhe), a Atalaia do Espírito Santo e o Forte de Lovelhe (ambos na freguesia de Lovelhe).

Estas nove fortificacións forman un conxunto defensivo que actualmente se distribúe entre Galicia e Portugal, pero que na súa época de construción correspondía a un conxunto de fortalezas de factura portuguesa. De feito as tres galegas ( Fortaleza de San Lourenzo, Fortaleza da concepción e Forte de Chagas) foron dominadas polos portugueses durante case 20 anos. Accedían a eles a través dunha ponte de barcas que cruzaba dunha beira a outra do Miño.

Precisamente, estas seis fortalezas, xunto coa Torre dos Ratos e o Pazo dos Correa serán parte da visita que realizaremos neste roteiro que partirá desde a fortaleza de San Lourenzo, en Goián, e percorrerá o Forte da Concepción, o Forte de Chagas, o Pazo dos Correa, a Torre dos Ratos, o Forte de Lovelhe e a fortaleza-castelo de Vilanova da Cerveira. Durante a ruta tamén se dará conta da presencia de asentamentos romanos e castrexos en diversos puntos que logo foron reutilizados como fortalezas.

Punto de encontro