Polas terras irredentas de Lemos: A última gran batalla dos guerrilleiros en Galicia

Evento finalizado. Revisa o resto de roteiros.

Este roteiro foi visto 1,223 veces na última semana

Custes de inscrición

Para facer a inscrición é preciso facer un pago de 5€ por persoa para cada roteiro. Dos cales 4€ son en concepto de fianza, que serán devoltos ao finalizar o roteiro por esta mesma vía. O euro restante vai destinado a sufragar os gastos de xestión e devolución.

No caso de que as persoas inscritas non acudan ao roteiro no que están inscritas non se devolverá ningún importe.

As persoas que estean interesadas en buscar aloxamentos na zona onde se realicen os roteiros, podemos suxerirlle algúns dos que nos recomenden as propias asociacións da zona.
Para calquera destas cuestións poden escribirnos a:
info@rutasdehistoria.com

Dificultade: Baixa
Duración: 5 h
Lonxitude: 9 km
Guías: Xurxo Ayán, Arqueólo e investigador do CSIC e Xosé Gago, coordinador do proxecto turístico do Castro de San Lourenzo.
Data: 23 de setembro de 2018

Castro de San Lourenzo

Na tarde do 20 de abril de 1949 ten lugar a batalla que marca o inicio do fin da Guerrilla en Galicia.
Acontece en Repil, na lindeira entre Monforte e A Pobra do Brollón, na chamada Casa d ́O Facha na que estaban refuxiados cinco guerrilleiros.
En abril de 2018 realizouse a segunda campaña de escavacións arqueolóxicas en Repil. Dita campaña permítenos reconstruir coma se dun capítulo de CSI se tratase o que alí aconteceu aquel día.

Este roteiro comezará no lugar de Repil, onde entenderemos o suceso a través dos restos arqueolóxicos. Dende Repil colleremos a ruta que colleu Fermín Gutiérrez Lada Segura, guerrilleiro que conseguiu escapar ata a parroquia de Cereixa.

Durante o percorrido coñeceremos a fondo esta parroquia luguesa grazas a elementos de interese e, sobre todo, aos seus vecinos, do pasado e do presente, entre os que sobrancea María Castaña.
A visita rematará no Castro de San Lourenzo onde se está a levar a cabo un poroxecto de Arqueoloxía en Comunidade. No xacemento, ademais de restos de época galaico-romana, téñense atopado restos medievais, incluíndo unha necrópole na que apareceron uns restos humanos en moi bo estado de conservación alcumados como Atilano.
Dende o castro volveremos cara a Parrillada O Fogón, primeira parrillada da provincia de Lugo, onde quen o desexe poderá xantar.

Aviso: A noite do día 22 de setembro hai un festival “As cores de outono” que organiza o concello da Pobra do Brollón cun concerto de Luar Na Lubre. Por si alguén está interesado en quedar a durmir na zona, ou para a xente que acuda ao roteiro do anterio en Sober