Finalizado
Por persoa
As desterradas, cando unhas monxas galegas enfrontáronse á raíña de Castela
5 Nov
Cupo máx. 50
- Data: 5 Novembro 2022
- Dificultade: Media
- Duración aproximada: 4 horas
- Lonxitude: 6Km
- Guía: Carme Varela, escritora e secretaria da Asociación O Sorriso de Daniel
- Grupo máximo: 50 persoas
- Punto de encontro: Igrexa parroquial de San Xoan de Albeos (Crecente)
- Hora de saída: 10:00 h
Un roteiro que percorre os lugares máis destacados da peza teatral AS DESTERRADAS de Carme Varela. Un percorrido que nos permite descubrir os feitos que se desenvolveron no mosteiro de San Salvador de Albeos a finais do século XV e comezo do XVI. Os espazos nos que viviron e dos que foron Señoras as monxas bieitas ata seren desposuídas do seu mosteiro. Os feitos históricos relacionados coa reforma dos mosteiros galegos que fixo desaparecer ata 15 mosteiros femininos en toda Galicia para a agrupar a todas as monxas no mosteiro compostelán de San Paio de Antealtares.
O percorrido partirá da igrexa parroquial de San Xoán de Albeos, un fermoso exemplar do románico rural que está situada nun fermoso miradoiro sobre o Miño e dende onde se divisa a vila de Melgaço. Polos restos do Camiño Real avanzará ata as ruínas do Mosteiro de San Salvador de Albeos onde queda un dos máis singulares tímpanos do románico galego e onde se poderá comtemplar tamén a lauda dunha das monxas. De camiño seguiremos vendo restos dispersos do mosteiro que forman partes de modernas construcións.
De seguido achegarémonos ao Pazo da Fraga, unha edificación de orixe medieval e que hoxe está convertido en establecemento hoteleiro.
A continuación seguiremos ata a torre de Fornelos. Unha das fortalezas medievais das beiras do Miño. Esta torre acaba de ser declarada Ben de Interese Cultural recentemente.
Todo o percurso transcorre polas terras nas que sitúa a tradición oral o nacemento do neno mártir San Paio, o martir galego que tivo maior difusión durante a Idade Media e que hoxe están dedicadas en boa medida á produción de viño albariño.
XANTAR
Opcionalmente podes reservar aquí o xantar para este roteiro. É necesario pago anticipado por esta vía.
CANCELACIONS
Aceptaranse cancelacións ata unha semana antes da data do roteiro. A partir desa data xa non é posible cancelar nin solicitar a devolución da fianza.
Menores de idade Poden acudir baixo responsabilidade dun adulto.
-
Punto de encontroIgrexa parroquial de San Xoan de Albeos (Crecente)
-
Hora de saída10:00
-
Finalización14:00
-
InclúeSeguro accidentes
Finalizado
Por persoa
Prazas esgoatadas. Se queres anotarte na lista de espera : Podes contactar con nós dende a web na sección de contacto ou unirte ao noso grupo de Whatsapp https://chat.whatsapp.com/L2UckcnsRIs1ZmSpBHMCz0
Este roteiro foi visto 1,788 veces na última semana.
CONDICIÓNS
Para facer a inscrición é preciso facer un pago de 5€ por persoa para cada roteiro en concepto de seguro de accidentes e gastos de comisión e organización.
Non se devolverá o importe da insrición, por iso recomendamos que se faga con plena consciencia.
A organización non se compromete a devolver o importe do menú unha vez reservado, agás que consigamos asignar ese menú a outra persoa solicitante ou que se notifique antes do mércores previo ao roteiro. Nese caso devolveríase o importe do menú menos a comisión bancaria
Os participantes que non poidan acudir e teñan reservada entrada poden regalarlla/venderlla a outra persoa pola súa conta. Tan só sería necesario que esos novos inscritos avisaran deste feito no mesmo día do roteiro.
Rogamos que quen non poida acudir igualmente o notifique dende a páxina de contacto ou via WhatsApp, se non a organización resérvase o dereito de penalizar a inscrición dese usuario en seguintes roteiros.
Non existe lista de espera nin reserva de prazas. As prazas dispoñibles por baixas darase a coñecer no grupo de WhatsApp de Rutas de Historia, o acceso é libre AQUI
Para calquera outra cuestión poden escribirnos a:
info@rutasdehistoria.com
