Na procura das pegadas de Rosalía

• Data: Sábado 6 de novembro 2021  13 de novembro (cambio de última hora)
  
• Dificultade: baixa
• Duración aproximada: 4 horas
• Lonxitude: 4 Km
• Guía: Manuel Lorenzo Baleirón, escritor e profesor. Saúdo de Anxo Angueira, presidente da Fundación Rosalía de Castro
• Grupo máximo: 30 persoas
• Punto de encontro: Estatua de Rosalía de Castro – Ver como chegar https://bit.ly/3bZDBhV
  
• Hora de saída: 09:15 h

As pegadas de Rosalía é un traxecto que transcorre por Padrón e conduce ao turista aos recunchos máis emblemáticos da vida da poetisa máis recoñecida de Galicia.‭ ‬Esta iniciativa,‭ ‬levada a cabo por Anxo Angueira,‭ ‬tamén presidente da Fundación Rosalía de Castro, e guiada polo escritor e profesor Manuel Lorenzo Baleirón. O roteiro percorrerá a casa museo Rosalía de Castro,‭ ‬en Padrón e onde ten a sede a fundación.‭ ‬É o lugar onde a autora pasou os seus últimos anos de vida e onde faleceu,‭ ‬o‭ ‬15‭ ‬de xullo de‭ ‬1885.‭ ‬Nas súas proximidades atópase o Centro de Estudos Rosalianos.

O cemiterio de Santa María a Maior de Iria Flavia e Adina é o lugar onde os restos da escritora descansaron desde‭ ‬1885‭ ‬até‭ ‬1891.‭ ‬A igrexa é unha das máis antigas de Galicia e tamén acubilla a tumba do escritor,‭ ‬tamén galego,‭ ‬Camilo José Cela‭ (‬1916-2002‭)‬.‭ ‬O Pazo de Arretén,‭ ‬tamén en Padrón,‭ ‬e levantado no século XVI por Bermúdez de Castro,‭ ‬é un lugar moi vinculado á vida da autora xa que é de onde pertencían os seus antepasados maternos.‭ ‬Así a ruta leva ao turista até o paseo do Espolón,‭ ‬igualmente no municipio padronés,‭ ‬onde está situada unha estatua de Rosalía que hoxe significa un emblema para o pobo e para toda a comunidade.

Os menores poderán acudir, pero sempre baixo a total responsabilidade dun adulto, non estando cubertos polo seguro de accidentes.

CANCELACIONS.
Entendemos que o cambio de data pode ser un problema para calquera, se finalmente non podedes acudir o día 13 de Novembro avisádenos para cancelar a vosa inscrición e devolver os cartos de inmediato e por as prazas a disposición doutra xente que poida asistir.