Camiñando entre deusas e santas: A Pena Furada e Santa Mariña de Lesa
- Data: Sábado 14 de setembro de 2019
- Dificultade: media
- Duración aproximada: 4 horas
- Lonxitude: Roteiro circular de 6 Km, subida final remonte de 100 m. de altura nos últimos 500 m. de traxecto
- Guía: Antón Fernández Malde, arqueólogo e director científico de Pena Furada
- Grupo máximo: 60 persoas
- Hora de saída: 10:00h
- Punto de encontro: “Mesón da Curuxa”, Lugar Lapela 13, Coirós. A carón da saída 560 da Autovía A6.
- Descrición do roteiro: O roteiro descorre pola parroquia de Santa Mariña de Lesa, no concello de Coirós (A Coruña). O percorrido está inserido nun monte frondoso a carón do río Mendo. A Pena Furada sitúase no rebordo rochoso cunhas espectaculares vistas da comarca das Mariñas e A Coruña. A seguir, o traxecto baixa a media pendente até a igrexa de Santa Mariña de Lesa.
Sempre se falou de continuidades e natureza. Aquí, nun mesmo entorno natural localizase un antigo lugar ritual (A Pena Furada), o cal continuou posteriormente en forma de culto a Santa Mariña (na Idade Media).
Esta é unha bonita maneira de visitar un antigo lugar “sagrado” ben conservado e a súa sobrevivencia en época posterior. A visita é moi acaída posto que estaremos a unha semana do equinoccio de outono.
O que sabemos da Pena Furada
En 1986 foron descobertas casualmente unha serie de gravuras entre as cais destacaba unha cos atributos femininos moi destacados. Esa figura era coñecida como a Moura.
En 2011, coa axuda dun grupo de voluntarios e a colaboración do concello de Coirós, acometeuse a limpeza do lugar coa intención de coñecer con detalle o contexto de Pena Furada (oculto baixo un espeso mato groso). Esta intervención tivo tres grandes éxitos: o envolvimento da viciñanza de Coirós (especialmente desde o traballo das escolas); a verificación de pezas arquitectónicas ordenadas; e a particular visibilidade da Moura ao medio-día.
Estes resultados foron divulgados no 2012 através dun ciclo de Barferencias nas tabernas de case todas localidades das Mariñas, así como en algúns centros de ensino e bibliotecas.
A teor da relación da Moura co sol do medio-día, aplicamos o mesmo método de rexisto a outras figuras e comprobamos que a súa visibilidade estaba configurada deliberadamente. Da mesma maneira observamos a relación de algunha peza arquitectónica coa saída do sol en datas relevantes. Para comprobar se isto era unha casualidade realizamos un programa de observación sistemática durante os anos 2011 a 2013 chegando a conclusión que a orde das pezas arquitectónicas e as figuras tiñan a ver con datas importantes do calendario astronómico. Trátase en definitiva dun antigo almanaque ou calendario, para cuxa construción foi precisa a concorrencia de sabios.
Sen termos indicios definitivos, pensamos que podería tratarse dun santuario galaico-romano que vai perdurar como advocación parroquial de Santa Mariña de Lesa, cuxa capela e fonte están no mesmo monte.
Coa colaboración da Asociación Cultural Roxin Roxal
Punto de encontro
-
Punto de encontro“Mesón da Curuxa” Lugar Lapela, 13, 15316 A Lapela, A Coruña
-
Hora de saída10:00h
-
Finalización14:30 aprox
-
InclúeSeguro de accidentes
-
Non inclúeAloxamentoTransporteXantar
