Data 28 outubro de 2023
Dificultade Media (A xeira implica asumir os desprazamentos a pe por camiños e vías rurais en bo estado e con desniveis moderados. É desaconsellable para persoas con mobilidade reducida, con baixo estado físico ou que non estean afeitas a andar polo monte. A Organización non conta directamente con medios para atender problemas derivados da desatención destas recomendacións)
Duración aproximada 4 horas
Lonxitude 8 Km
Guía Miguel Losada, divulgador, escritor e antropólogo (Xeoparque Serra de Glaciares)
Colabora Concello de Chandrexa de Queixa
Punto de encontro: Pendente confirmar hora – Bar Casdiego. Celeiros, Chandrexa de Queixa. Como Chegar
Rutas de Historia coñecerá o proxecto Xeoparque Serra de Glaciares, nas Serras de Queixa, Conso e Manzaneda, unha ambiciosa iniciativa cultural centrada nun dos territorios mais fascinantes e descoñecidos de Galicia e que abranguerá percorridos dentro dos mais de 600 km2 da xeografía do inminente Xeoparque así como na dos concellos de referencia deste e nos que se inscribe ese senlleiro territorio.
As aldeas de As Forcadas e Requeixo constitúen dos valiosos exemplos de adaptación as condicións ambientais destas montañas orientais ourensás. Tamén das mudanzas do clima tanto no noso planeta como a escala local. Este percorrido permite observar e comentar as pegadas das grandes linguas glaciares e outros elementos do último período glaciar.
Coma por toda esta Serra, son tamén abondosas as senlleiras historias. Falaremos de cuestións relacionadas coa lírica medieval en Lingua Galega; coa Segunda Guerra Mundial e o volframio (Tungsteno); O Entroido da Serra de Queixa; de festas de grandes días e mellores noites; dos remedios tradicionais da saúde ou de persoas e sucesos extraordinarios.
Observacións: Debe levarse calzado axeitado para camiñar por camiños de terra e pedras. Tamén auga e algo de comida. O xantar terá lugar contra ás 14:30h. Considere a alternativa de Casa González, comida para levar. Rúa do Puleiro, 6, 32786 Chandrexa de Queixa, Ourense Código Plus 7J69+8J Chandrexa de Queixa.
XANTAR – Restaurante Casa González
Menú: Embutidos da comarca (chourizo, queixo, xamón,etc ), de segundo cocido galego, bebidas (auga, viño, gaseosa ou cervexa), postre, café e licores
Prezo 20 euros
| Tipo de inscrición | Prezo | Carriño |
|---|---|---|
| Roteiro Chandrexa | 5€ | Non quedan prazas para este roteiro |
| Roteiro Chandrexa + Xantar | 25€ | Non quedan prazas para este roteiro |
