O monte do Seixo, a Montaña Máxica de Galicia

Este roteiro está pechado pero si queres recibir información para as próximas rutas envía un correo a info@rutasdehistoria.com ou dende a sección de CONTACTO da nosa web.

Este roteiro foi visto 615 veces na última semana

Compartir este roteiro

Custes de inscrición

Para facer a inscrición é preciso facer un pago de 5€ por persoa para cada roteiro. Dos cales 4€ son en concepto de fianza, que serán devoltos ao finalizar o roteiro por esta mesma vía. O euro restante vai destinado a sufragar os gastos de xestión e devolución.

No caso de que as persoas inscritas non acudan ao roteiro no que están inscritas non se devolverá ningún importe.

As persoas que estean interesadas en buscar aloxamentos na zona onde se realicen os roteiros, podemos suxerirlle algúns dos que nos recomenden as propias asociacións da zona.
Para calquera destas cuestións poden escribirnos a:
info@rutasdehistoria.com

Dificultade: Media
Duración: 4 horas
Lonxitude: 8 km.
Guía: Carlos Solla, investigador e impulsor do colectivo Capitán Gosende
Data: 17 setembro de 2017

En Terra de Montes está o monte do Seixo, territorio fabuloso que forma parte da Rede Natura e que garda elementos dunha Galicia mítica e case máxica. Tras dez anos organizando visitas, Solla ten levado a ese lugar a máis de 3.000 persoas.

Faremos o denominado R1, dende Chan de Mamas deica Portalén (ou deica Cadeira do Rei (opcional)). Distancia: 2’25 km (ida) deica Portalén. 3’5 km (ida) deica Cadeira do Rei. Partiremos de Chan de Mamas (necrópole neolítica). Avanzaremos de norte a sur polo camiño de Coto, sempre por riba dos 900 m de altitude.

Observaremos as lagoas de Xestido (historia do pasteiro do Seixo, lenda da santa Mariña do Seixo, lenda do pozo da Muller Morta), Outeiro da Cama (pedra da fertilidade humana), Laxa Mosqueira (pedra da fertilidade animal), Castro Grande (lenda da galiña dos pitos de ouro, lenda do rato Rabisaco, lenda da Moura do Castro, lenda do tesouro dos mouros, aliñamento das Pedras Guiadas, lenda da Besta Branca…), as Pedras Quileiras, a ermida da Santa Mariña (advocación da montaña), o Outeiro do Coto (cimeiro do monte: 1.015 m de altitude)…

Visitaremos a Mámoa Grande (lenda do Tecelán de Carballás), o Almadraque de Pirocha (lenda da Moura do Seixo), Trampa do Lobo (vestixios dun cortello lobeiro), a Cruz do Seixo (cristianización dunha ara solis, devoción a santo Antonio), Portalén (a porta do Outro Mundo), o Marco do Vento (pedrafita), Feira Vella e (opcional) a Cadeira do Rei (atalaia privilexiada).

Se o día vén claro, albiscaremos ao lonxe as tres rías (Arousa, Pontevedra e Vigo).